高官落區經常被質疑做騷，食物及衞生局局長陳肇始尋日喺大熱天時參加民建聯舉辦嘅掃街清潔活動，仲同該黨立法會議員鄭泳舜一齊拎起掃把，似乎相當投入，陳肇始又趁機推銷食環署增設滅鼠小隊添！點知眾人喺後巷期間，竟然有「豬隊友」突然問「點解唔見晒啲紙皮同垃圾嘅？」即係間接踢爆活動前事先「洗太平地」，即係流晒汗落力清掃緊街道嘅陳肇始同鄭泳舜，實情喺度掃緊空氣囉！
