婆婆晨運被嫌阻路 網民惹聲討

片段於本月廿四日發布於Facebook群組「巴打絲打 Facebook Club」，只見有數名老婦正於竹園體育館附近的露天球場外耍太極晨運，現場環境空曠。

老婦未有理會 繼續晨運

拍片者多次在老婦附近走過，並高呼︰「喺路中間做運動，大家睇吓啱唔啱喇。嗱！呢啲就叫自私」。面對拍片者的指控，老婦們未有理會，繼續淡定晨運。有數名街坊亦暢行無阻地走過行人路。

該片段於網上曝光後，不少網民怒斥拍片者「多餘」，直指「最憎人恰阿婆」、「仲有咁多位，你係都要話人阻你，係咩態度」。有網民亦勸謂︰「好小事啫，睇開啲啦」！