女戶主：黑影閃過 以為冷氣機爆炸
【本報訊】「滅火筒噴嘅力好大，好似炮彈咁飛上嚟！」遭滅火筒擊毀冷氣機的單位，業主李小姐與胞姊、姨甥及兩隻貓同住，事發時李小姐胞姊在房間內用電腦期間，突然閃過一個黑影，之後聽到霹靂啪啦聲，窗戶頓時碎裂。她憶述：「以為有人掉嘢入嚟，望一望，成部冷氣機唔見咗，以為自己冷氣機爆炸跌落街！」李小姐衝出廚房，發現單位凌亂不堪，窗戶被擊中碎裂致滿屋玻璃，立即報警。消防員到場後，她們才發現冷氣機仍在半空「吊吊揈」，險象環生。
男途人遭膠塞砸中傷頭
消防員架起雲梯將冷氣機搬到地面，發現機器等並無異樣，電線亦無損壞，相信並非冷氣機肇事，疑是外來物撞擊造成。該部開利牌冷氣機，約六至八年前以五千多元購入。李小姐姨甥事後隨人員落街，從街坊口中得知是滅火筒拋物線飛彈上來，導致冷氣機嚴重損毀。她坦言連在場的警員也形容為「奇案」，自己事後檢視「災情」亦感驚嚇，形容：「牆都凹埋，連冷氣面罩都散晒！」李的胞姊則形容，當時衝擊力非常大，相信滅火筒是新的及「滿氣」，「噴嘅力好大，好似炮彈咁飛上嚟！」又笑言：「好似中六合彩，但人哋中咗就收錢，我中咗就畀錢！」
同遇上無妄之災的姓麥男途人，在醫院治療後接受訪問，表示當時他正返家，途中突然感到後腦痛楚，才知道自己受傷，相信是被一粒黑色物體擊中，警員告知他是滅火筒的膠塞組件。此外，附近一名車房東主蘇先生表示，當時聽到類似氣體噴射聲音，並說：「無幾耐就聽到好大聲，登！登！登！相信係射上去跌番落地，仲好似話有架單車都整爛埋。」