最近天氣持續炎熱，因為雨水少，可以話熱到乾塘，天文台話連續九日酷熱天氣已打破一九六三年以來最長酷熱天氣紀錄。天文台前台長林超英就形容熱得「很嚇人」，又講起一九六三年嘅大旱災，話好難估大旱災係咪會再嚟，如果香港旱，廣東都會旱，到時分分鐘各大城市都爭水飲喎，仲話要保住個淡水湖添！依家講旱災似乎都言之過早，但淡水湖啲水又夠唔夠全港七百幾萬人用呢？林超英咁驚就最好去儲定水喇！
