近日本港升降機意外一單接一單，日前再發生上水名都屋苑住客墮入(車立)槽喪生慘劇，尋日沙田顯徑邨又有升降機門「露罅」。有政黨尋日就同機電工程署署長薛永恒等官員會面，直指升降機係「社區炸彈」，唔少舊樓住戶都對升降機安全問題感到擔憂，人心惶惶，仲要求機電署三個月內要交晒全港九十幾個同類升降機嘅檢查報告，以及檢查機齡超過廿年嘅升降機。薛永恒面對全港咁多「炸彈」，睇怕都有排拆喇！
