探射燈：恐怖劏房喉管亂駁 一渠廿戶污水灌屋

「幾年前樓上個單位，間咗做一開三嘅劏房之後，啲喉駁到亂晒龍，搞到我天花不停漏水，鹹水淡水都有，之後就開始冧石屎。最近一次天花冧石屎，只係一個月前嘅事，手掌咁大，差啲砸死人！」居於佐敦唐樓一單位的張先生（化名）指，去年年中曾向屋宇署投訴，未獲正視，直至今年三月經該區區議員介入，才稍獲關注，「樓上亂改動間隔搞到漏水，點解部門乜都做唔到？我依家只能白白睇住費盡積蓄買嘅單位，愈住愈爛！」

客廳天花漏水 插座漏電

張先生的憤怒確有道理。記者甫踏進其單位，恍如身處「災難現場」。客廳多處天花鋼筋外露，大部分電插座出現漏電，連光管亦因滲水無法開啟，客房書櫃上的書亦被浸至濕透，發出陣陣霉味，只能暫用報紙覆蓋。廚房位置更慘不忍睹，半幅天花石屎剝落，牆身亦疑因長年腐蝕，露出多條喉管。單位中一個廁所更因情況太惡劣，只能廢棄不用。

張先生單位因樓上劏房改動間隔，以致天花漏水而變得蓉蓉爛爛。	光管因滲水關係，無法開啟。	客房書櫃上的書亦被浸至濕透，發出陣陣霉味。

劏房亂改間隔，除了令單位內變得蓉蓉爛爛外，在大廈外牆亦能看見亂象叢生。其中劏房林立的葵涌重災區，問題更是嚴重。葵涌名賢大樓外牆，多個劏房延伸出來的淡水喉管亦隨處可見。有逾廿條喉管亂插入外牆，有的只靠索帶將四、五條喉管胡亂紮成一團，有的更橫七豎八跨向對面單位。

屋宇署聲言正展開大規模打擊劏房違規行動，惟過去三年只有約兩百個證實違規。	葵青區區議員 郭芙蓉	油尖旺區區議員 陳少棠

「呢幢大廈好多劏房，最多一個單位劏六間。業主亂駁淡水喉都算喇，最多都係工程做得唔好，不停漏水。最大鑊係有業主竟然夠膽將一條原本只係駁畀七戶嘅屎渠，駁到變廿幾戶共用，條渠頂唔順，最後倒灌入屋，搞唔掂又走嚟向法團投訴！」名賢大樓法團主席何錦鑑指，因劏房亂加喉管導致淤塞爆渠問題，時有發生，「整一次要幾千蚊，仲要個個月都係咁，法團好難承擔！」

鄰居兩戶劏房污水連同厚厚油污，倒灌至何女士單位。

外牆部分喉管橫七豎八跨向對面單位。

劏房亂駁喉，就連劏房戶亦身受其害。「呢個單位一連三間都係劏房嚟，三間房嘅污水渠相通，我住最尾房。但條喉改得唔好，頭嗰兩戶嘅污水，連同厚厚油污，倒灌嚟我單位，令成個廁所水浸，仲會流埋出廳。」居於葵涌名堂大樓的何女士更無奈稱，就連劏房單位廚房鋅盆及洗衣機污水，亦會在廁所渠口湧出。

葵青區區議員郭芙蓉直指，區內大廈亂駁喉個案隨處可見，惟屋宇署如「無牙老虎」，發警告信後甚少有積極跟進。油尖旺區區議員陳少棠則指出，不少劏房業主「貪便宜」胡亂改動單位間隔，違反《建築物條例》，包括結構安全、排水工程等方面的建築設計及建造標準。

三年僅提293宗違規檢控

屋宇署發言人回覆指，在過去三年大規模行動中，共巡查六百零四幢樓宇，當中有一百一十三幢及十二幢分別位於油尖旺區及葵青區，期間就沒有遵從涉及的分間單位的清拆令提出二百九十三宗檢控。署方亦證實佐敦單位有違建工程，而葵涌相關單位則需時跟進。

文：劉凱欣

圖：朱偉坤