中環出更：梁家傑楊岳橋外訪唱衰 促美國關注香港

演說提及近年政治紛爭

梁家傑喺論壇上發表演說，說明香港嘅現況，並提及近年香港嘅政治紛爭，包括國務院發表一國兩制嘅白皮書、廣深港高鐵一地兩檢的爭議、全國人大常委會就《基本法》釋法、「雙學三子」黃之鋒、周永康及羅冠聰就一四年衝擊政府總部東翼前地而入獄等事件。佢認為《基本法》同《中英聯合聲明》中指會給予港人民主和普選，但早已唔存在。

佢喺論壇上亦作出呼籲，指現時美方喺中美貿易戰中，把香港等同中國對待，認為香港係中國嘅唯一真正國際金融中心。佢更指出，因世界上任何人若要了解中國，必先了解香港，因此美方若忽視香港是錯誤。因此，佢希望美國唔好忽視香港嘅情況，即使現時美方制裁中國，亦要關注香港。

楊岳橋就喺論壇上提及一四年嘅違法佔領運動，指出若中央當時履行承諾，給予港人有雙普選，「香港獨立」自然唔會出現，而且亦唔會有人支持港獨。梁家傑亦話香港是唔可能獨立，因有九成食水同糧食均來自內地，並批評港獨係冇意義嘅。

卓妮