「無良僱主」聽得多，「無糧僱主」倒是聞所未聞。日前的「五一」勞動節大遊行，行列當中出現三位身份特殊的「苦主」，他們是被街工副主席兼立法會議員梁耀忠炒魷魚的街工勞工組員工，據他們聲稱，早於三月中收到風整個組將會摺埋，但直到前幾天梁耀忠才向他們交代，卻是藉口多多，一時賴財赤，一時話要搞選舉，總而言之五月後不會再出糧，但強調「唔出糧唔等於炒人，可以當做義工」云云。
堂堂工會領袖，居然連「唔出糧唔等於炒人」這種話也說得出口，簡直令人嘆為觀止。他們平日對「無糧僱主」口誅筆伐，最常用的口號是反對「有汗出，冇糧出」。「唔出糧唔等於炒人」講得通，那麼劫匪是否也可以辯稱「棍棒接觸頭部唔等於扑人」？
泥水佬開門口，過得自己過得人，梁耀忠連任多屆議員，服務社會的熱誠，按說無人可以質疑，不如政府由下月起停止向其發放薪水，好讓他身先士卒，向員工示範如何做義工。
當然，白花花的銀子無人會嫌多，大拿拿每月十皮嘢，相對被炒三位員工的月薪，九牛一毛而已，但你想白頭佬會「做好心」協助他們度過困境嗎？試看另一位工會領袖、有「李呃人」之稱的李卓人，秘密將漢奸黎的黑金「袋住先」，何曾聽過有關資金用在工運上，又或者與員工「分甘同味」？
提起漢奸黎，旗下刊物慘淡經營，本該收工大吉，全線摺埋，還社會一片淨土，只要依足勞工法例遣散員工便是，然而漢奸黎偏偏避談一個「炒」字，巧立名目大搞「假自僱，真裁員」，一味諗縮數，壓榨伙記無所不用其極，而且涉及人數絕非白頭佬的小貓三、四隻可比，論無良僱主的程度，白頭佬瞠乎其後。