安老院舍宿位好缺乏，有啲長者等到死都未有位。勞工及福利局局長羅致光尋日喺立法會大會上，話今年撥款畀當局嘅開支增長算係高峰，但又話即使財政司司長向當局增加資源，當局亦唔可以變魔術，即時變出多間安老院舍。其實，羅致光之前都講過依家每年只可起到三間院舍，遠遠追唔到需求，而佢尋日咁講到就算有錢都起唔到咁多，係咪叫人死咗條心，唔好逼佢呢？係咪咁就唔使再諗其他辦法呀！
