隨着泛民六人先後被取消議員資格（DQ），包括社民連梁國雄、香港眾志羅冠聰等四人喺舊年七月中被DQ，泛民拉布火力大不如前。
立法會聽日恢復二讀辯論《二○一八年撥款條例草案》，立法會秘書處指截至限期前，共收到十五名議員提出二百三十四個議員修正案，呢個數目不但較舊年七百四十多項修正案為少，更係一三年以來最少。
激進泛民近年屢次出招拉布，其中一年一度的財政預算案被視為主戰場之一，激進泛民喺一三年開始提出拉布式修訂，當年提出約七百五十項議員修正案，而緊接之後兩年，即一四年及一五年，拉布式修正案數目突破一千，高峰是一五年嘅逾三千九百項，其後逐年回落，舊年議員嘅預算案修正案數目為七百四十多項，最新今年再銳減至不多於二百五十項。
眾所周知，近年預算案拉布常客係梁國雄、人民力量陳志全等人，其中梁國雄喺舊年七月被DQ，加上佢正就DQ案提出司法覆核，有指梁國雄唔喺議會，係修正案數目銳減嘅可能原因之一。