由特首委任嘅土地供應專責小組主席黃遠輝尋日喺電台節目話，會提出十八個土地供應選項進行公眾諮詢，當中包括公私營合作模式，採用私人發展商嘅農地儲備，以公帑設立交通基建，向私人發展商提供改劃土地嘅誘因，作為發展公營房屋咁話。不過，黃遠輝建議一出，已經備受質疑，除咗鬧佢令未來討論有前設外，更容易令人懷疑當中會否涉及官商勾結。諮詢都未開始，黃遠輝已經惹來咁多質疑，就算佢喺農地四周起晒交通道路，睇怕佢條路都幾難行喇！
