中環出更：DQ四子齊現身 長毛市民爆罵戰
今年嘅選民登記活動已經開始，並於下月二日截止登記，有十四個團體組成聯合選民登記行動，呼籲市民登記為選民，並於尋日舉行啟動禮。因宣誓風波而被取消立法會議員資格（DQ）的社民連梁國雄（長毛）、香港眾志羅冠聰、劉小麗及姚松炎亦有出席活動，期間有市民上前指罵團體成員，並與長毛爆發罵戰。
籲選民登記 被斥搞事
話說啟動禮至尾聲時，有市民走上前質問參與團體之一、撐傘落區運動曾鈺婷，香港係咪喺水深火熱之中，又批評一行人係搞事，冇建設性。長毛不滿該名市民指手指腳，於是上前批評該市民「恰女人」，兩人一度互相指罵，需要他人幫手分隔兩人。
喺上月立法會九龍西補選中落敗嘅姚松炎話，政府早前故意壓低補選氣氛，而今次選民登記運動亦一樣，所以由民間團體推動呼籲市民登記。劉小麗就話，現時民主運動正受重挫，希望民主派同市民一起團結去捍衞核心價值，而羅冠聰就話用選票守護香港係港人義務。
卓妮