【本報訊】北區醫院「遺失」死去病人腦部，管理層在事故原因及腦蹤未明下便斷然初步排除涉人為錯誤，惹起嘩然。有時事評論博客形容事件比電影橋段瘋狂，如腦部被棄掉是對先人不敬，如腦部被偷代表醫院保安形同虛設。「廿三萬監察」發言人王國興更斥表面證供已顯示涉管理失職，肯定存在人為因素，不能等閒視之：「你查完喇咩？個標本室無上鎖已經係人嘅管理問題。」
發生罕見「唔見腦」事件後，網民議論紛紛，網民Sharon Yu對北區醫院管理層於前晚記者會表示無證據顯示事件涉人為錯誤感憤怒：「即係暗示有人撻野用率（偷）呀？無情情做乜要普通市民嘅腦呀，係醫院有人為疏忽而唔認就真啦！」網民Rita就邊揶揄邊憂心稱：「今次唔見咗個腦，下次係唔係唔見其他內臟？」北區醫院管理層希望盡快淡化錯失責任，網民看不過眼：「話不涉人為錯誤，一定係佢哋（管理層）都唔使帶腦上班的。」
王國興亦指「唔見腦」本身已非常離譜，醫院管理層未完成調查就指不涉人為錯誤或疏忽更是不負責任：「一定有人為因素，個腦唔通自己會走咗去，定係畀老鼠擔走？」王指，即使北區醫院管理層前晚有公開道歉，但同時又急急否認涉人為錯誤，令人感覺道歉也不真誠。他又認為，今次不知所終的腦部暫不涉刑事案，否則後果更嚴重，隨時令執法機關失去重要證據，變「無頭公案」。