政情：公民講場：講「甩轆」唔提「出軌」 陳帆觸怒林健鋒

廣深港高鐵香港段試營運僅三日即有列車出軌，令社會嘩然。立法會有關高鐵一地兩檢嘅法案委員會尋日開會，多名議員關注高鐵出軌「甩轆」問題。運輸及房屋局局長陳帆回應完議員提問後，商界議員林健鋒就話，有議員聲稱高鐵「甩轆」根本就係歪理，批評陳帆「人哋講歪理你又照答」，要求陳帆矯正說法。陳帆就澄清「甩轆」係指「小瑕疵」，並非「甩咗個轆出來」，又笑言之所以唔講「出軌」，係因為佢認為出軌係指超過兩個人嘅關係喎。唔通正如其他議員所講，林健鋒因為「甩轆」兩個字勾起當年建制派政改「甩轆」事件？