政情：公民講場：免費報考DSE不設限 蔡若蓮叫咪玩嘢

財政預算案提出為參加明年香港中學文憑試（DSE）嘅考生代繳考試費，隨即引起市民熱議，話既然唔使錢，一於去報考，仲提出唔少玩嘢建議，令應屆學生擔心成績受影響。教育局副局長蔡若蓮尋日就話，措施原意係減輕學生及自修生負擔，如果市民因為免費就報名去玩係有違原意，市民都唔願意見到有人因為想表達對政策嘅意見而去騷擾考生，呼籲大家要支持考生喎。其實有關建議並無設限，不論年齡個個都報考得，唔通蔡若蓮到時去試場門口守住，審查考生係咪嚟玩嘢？