狗咬人唔係新聞，人咬狗先係新聞。香港記協作為漢奸黎豢養嘅走狗，為恩主看家護院狂吠亂咬一啲都唔出奇，但做走狗咪認囉，最尷尬係明明係走狗又要扮人，平時擺出義正詞嚴咁嘅款，點知一輪到恩主斷正就收晒聲現晒形，呢啲垃圾組織，點會唔被人唾棄吖。
唔信嘅，上記協個面書望一望，九成九留言都係剷到記協上天花板，呢啲咪係民意囉。梗係喇，佢哋根本唔代表傳媒業界，改名壹淫媒協會就差唔多。好似漢奸黎插草出售《壹週刊》單嘢臨尾香，又領番個瘌痢頭親生仔，結果正月十五都未過啫，三十名《壹週刊》攝影及娛樂編採員工就慘食無情雞，部分員工被迫以假自僱方式回巢，但失去打工仔應有嘅福利，都咪話唔淒涼。漢奸黎對夥計始亂終棄，不仁不義，聲稱為記者發聲維權嘅記協點反應呢？
冇錯，記協係就係發咗個聲明，但唔係為呢班打爛飯碗嘅員工討公道，而僅僅係「極度關注」《壹週刊》嘅裁員決定，仲話假自僱「唔知會唔會」造成不公平或令員工收入大幅減少，促請管理層與員工好好溝通。吓，乜話，員工慘被剝光豬，就快冇飯開，記協唔鬧爆無良僱主，唔炮轟漢奸黎，連個「譴責」字眼都冇，反而輕輕講句關注就算，不痛不癢，仲話唔知會唔會減少員工收入，冇病呀？
睇到喇，漢奸黎做無良僱主，專鑽勞工法例嘅漏洞，記協就充當曲線護主嘅幫兇，畀人叫做「妓協」就係咁解。試諗吓，換咗其他傳媒機構，莫講話大裁員假自僱咁大件事，就連撤換一個專欄作家咁雞毛蒜皮嘅事，記協都要插隻腳埋嚟管一下，「遺憾」甚至「譴責」一番，偏偏漢奸黎同壹淫媒例外，就算壞事做盡一樣扮睇唔到，唔係走狗係乜嘢呀。
講到記協護主心切，真係三日三夜都數唔完。呢，去年六月，漢奸黎喺眾目睽睽之下無端端以粗言辱罵兼刑事恐嚇東方記者，「×你老母×」、「實搵人搞×你」、「影咗你相」，公然踐踏新聞自由，威脅記者人身安全，有圖有片有真相，記協竟然裝聾扮啞，如果唔係輿論嘩然，群情洶湧，肯定連叫記者報警都慳番。
咁當然，受人錢財替人消災，由妓協到一班反對派政客都係一擔擔，收得漢奸黎狗餅咯喎，梗係要出盡吃奶之力護主喇，功夫茶都好明白嘅，之但係連律政司都同漢奸黎沆瀣一氣，公然放過政治黑金案之餘，佔中嗰一筆帳亦至今未算，大大個免死金牌鑿喺漢奸黎頭上咁款，唔通連堂堂律政司都係佢嘅走狗？