中環出更：許曉暉任故宮館公司董事

香港故宮文化博物館忽然「空降」西九文化區惹起爭議，而喺任內主理文化事務嘅民政事務局前副局長許曉暉，今日起出任香港故宮文化博物館有限公司董事。許曉暉自舊年離開政府後，曾向前任行政長官及政治委任官員離職後工作諮詢委員會申請多份工作，故今次係再度獲批准出任新工作。

委員會認為，許曉暉嘅工作申請唔會引致在有充分根據下產生其他負面觀感，而令政府尷尬，但要求許在離開政府的一年內，不應參與或牽涉部分同政府相關的工作，如參與有關政府事宜嘅游說工作；直接或間接參與競投任何民政局、政府新聞處、法律援助署等項目或合約，或申請相關資金撥款等。

其實，許曉暉之前已獲批出任沉香學會有限公司董事同榮譽主席，同埋出任一口田慈善教育基金有限公司嘅《潮學香港歷史》教育短片顧問。資料顯示，沉香學會係非牟利機構，致力促進、學習、研究沉香種植及產業發展，又列明學會會員禁止參與任何同沉香相關的不道德行為，以及參與非法活動。

卓妮