政情：今日你上鏡：林國良做義工 感受「三好」

閒時做義工，唔單止幫到人，亦可以令自己感到滿足。懲教署署長林國良早排出席活動分享做義工嘅喜悅！佢話平時都有參加紀律部隊嘅義工隊活動，例如髹油、清潔等，認為幫助人後聽到一句「多謝」，已經覺得好滿足、好感動同好開心。不過，自從佢做咗管理層後，就開始鼓勵同事去做義工，唔少人仲帶埋屋企人一齊參加活動，正所謂施比受更有福，有能力就可以去幫吓人。