立法會相關嘅法案委員會尋日開展審議高鐵一地兩檢嘅條例草案，有泛民議員不停追問如果挑戰一地兩檢嘅司法覆核勝訴，政府可有「Plan B」（後備方案），而運輸及房屋局局長陳帆就回應話高鐵基礎建設同硬件構造唔可能即時改變，勸喻大家放下「Plan B」想法。老實講，喺泛民大力反對下，唔知幾時先可以審完條例草案，陳帆咁講都係想班泛民死咗條心，唔好有任何翻盤嘅幻想嘞！
