有浸大學生日前因不滿普通話豁免試合格率太低而佔領埋校內嘅語文中心，校長錢大康火速勒令其中兩個侮辱同威嚇教職員嘅學生停學，重申大學係唔能夠接受粗劣行為。記得一五年港大任命副校長風波，當時嘅港大學生會會長馮敬恩衝入校委會會議廳抗議，仲整傷咗唔少教職員，規模同嚴重程度都大過浸大事件，但當時港大校委會成員、現任主席李國章就冇乜動作，馮敬恩亦冇被停學，相比之下態度明顯冇咁強硬，錢大康都喺港大做過首席副校長，點解大家嘅處理手法差咁遠呢？
