中環出更：立會接申訴 多與游梁宣誓有關

涉政府部門個案 漁護署最多

另外，已完成處理嘅個案就有四千五百一十七宗，當中四千三百七十七宗，即近百分之九十七係以提供協助嘅方式處理。喺逾四千宗個案亦涉及多個政策局或政府部門，以接獲個案計算，漁農自然護理署以一百三十宗居首位，當中包括對流浪牛捕捉、絕育同搬遷、屠宰豬隻程序、將動物屍體送回寵物主人，防止野生動物摷垃圾等範疇。

第二同第三位分別係房屋署、社會福利署，接到七十七、六十七宗個案，前者多數同輪候公屋時間、濫用公屋資源有關，亦有唔少係關於石硤尾邨重建計劃；後者就主要同殘疾人士、安老院舍相關。此外，食物環境衞生署同食物及衞生局則位列第九同第十位，約有四十宗個案，當中大部分都係投訴。

卓妮