政情：新東開議辦陸頌雄空降做保彪

郭永健宣布參與泛民初選

陸頌雄話自己連致詞都講「三個目『標』」，同Bill係好兄弟，亦希望開拓大埔，原來佢依家喺港島區已有議辦落咗名，喺新界西原本就有議辦。被問到係咪鋪路將來轉去參加俗稱「超級區議會」選舉呢？佢就話依家未有考慮，都係先做好勞工界嘅工作。

欲染指新東補選嘅新任工黨主席郭永健尋日亦宣布將參與泛民初選，佢批評立法會選舉要求參選人須簽署擁護《基本法》確認書嘅內容唔合理，過去該黨未曾簽署，自己若勝出初選，傾向唔簽署確認書，但最終需與黨內成員商討。

至於九龍西補選方面，被取消立法會議員資格嘅姚松炎尋日終於承認積極考慮參與初選，而民主黨特別中委會尋日亦通過由深水埗區議員袁海文參與初選。