百仁基金早前邀得國際知名嘅「生命鬥士」力克‧胡哲（Nick Vujicic，左二）來港，分享佢面對逆境嘅經驗。當日教育局副局長蔡若蓮（右二）都有到場，基金副主席羅詠詩（右一）承認今日嘅小朋友最欠缺嘅正係對抗逆境嘅勇氣，指力克‧胡哲嘅經歷充滿正能量，亦令到佢反思幸福其實好簡單，身體健康、四肢健全已經係一種福氣，佢仲踢爆細仔眼淺，聽完之後感動到喊出嚟添。基金主席李文俊（左一）就話日後會繼續邀請更多充滿感染力嘅鬥士，去為社會提供正能量。
