政府嘅安老政策過於倚賴院舍服務，但宿位同前線嘅人手都嚴重不足，令到有部分長者等到死都未等到宿位。安老事務委員會主席林正財尋日話仍在探討政府考慮以現金券模式資助公屋獨居長者聘請外傭嘅諗法，前提係必須幫助最有需要群體，確保公帑唔會被濫用。其實要達到居家安老嘅目標仲係好遙遠，若果真係落實到資助公屋獨居長者聘請外傭嘅話，林正財都只算係補窿咋！
