立法會環境事務委員會尋日討論垃圾徵費嘅問題時，環境局局長黃錦星話喺實施初期難免出現混亂同違規情況，局方會成立外展隊同廚餘回收組應對，有議員就擔心零售商店同食肆喺營運過程中產生包裝物料同廚餘，擔心出現隨處丟棄垃圾嘅問題，但黃錦星就拋出隨處丟垃圾嘅定額罰款係千五蚊。係咪罰錢就解決到呢？若果到時真係搞到周街垃圾，必定民怨沸騰，到時黃錦星要成立救火隊先得嘞！
