探射燈：保安措施不足 街市罪案頻生
公眾街市集各式食材於一地，加上位於各區的中心地帶，人流集中，因而成為賊人的「覓食地」。今年七月中，慈雲山中心好運街市有老翁被搶走金頸鏈。有關注團體直言，街市的保安措施欠妥善，令不法之徒有機可乘。
業界促檢討外判制度
「班保安欠缺培訓，日日淨係拉閘、閂閘，發生問題只係識報警或者搵食環，完全唔識幫手。」全港公共街市販商大聯盟主席黃齊偉表示，不少公眾街市保安管理的質素參差，認為政府應於街市內作出廣播，以及派發傳單提醒市民提防賊人，並增設儲物櫃和閉路電視等硬件配套，更重要是檢討外判保安服務的做法。
「唔係睇件物品嘅價值，係視乎手法，如果啲市民將架車仔放喺身邊畀人順手牽羊，就算入面係啲餸菜，同樣都係嚴重盜竊。」執業大律師陸偉雄表示，任何人犯盜竊罪，即屬犯罪，最高可處監禁十年。