政情：八網難逃：林正財踩單車賽 最緊要安全

林正財早前參加單車節賽事，仲帶頭踩入隧道。（互聯網圖片）

半夜三點起身 為睇三隧三橋

睇吓張踩車Look嘅相，佢笑晒兼舉起V字手勢，似乎係贏咗比賽咁，再睇番佢Fb嘅貼文，原來呢張相係喺早前佢參加單車節時影低嘅，仲笑言自己好似贏咗咁款。其實，佢早前喺Fb仲上載咗幾張相，相中可見佢同其他單車手都係全副武裝，參加單車節五十公里嘅賽事，貼文話半夜三點鐘起身，就係為咗沿途欣賞三隧三橋嘅景色。

• 林正財（互聯網圖片）

喺照片上載後，唔少網友都留言問佢成績如何？佢冇講用咗幾多時間踩完全程，只係笑咗兩聲，留言話「還可以，平安無事好了。」咁又係，最緊要安全。