政情：八網難逃：梁敬國渡海泳「中頭獎」

Godfrey話喺缺乏操練同有兩聲咳嘅情況下仍繼續參賽，但最終都完成賽事，成績竟然比上年快咗唔夠一分鐘！但喺游水途中，佢竟然「中頭獎」喎。乜嘢獎？咪就係畀小樹枝扑中囉！佢估計應該係有人撞上再隨手一拋而令佢「中獎」嘅。

唔單止樹枝，佢亦遇到爛魚網，話難怪有海豚、海龜被纏上，所以呼籲大家要保護海洋，唔好拋垃圾落海。佢仲話差啲撞上船錨，起初以為係水母添！好彩唔係，否則被水母炸中都好傷。