家屬轟編更「無人性」 促城巴道歉
【本報訊】家屬怒轟編更「無人性」，促城巴道歉及為事件負責。死者謝鳳英姨甥周先生怒斥城巴指引及編更「無良知」、「無人性」，批評城巴是始作俑者，坦言：「城巴梗係要道歉啦，唔係話政府規定係咁，你就要做到盡，唔係話司機想踩多兩個鐘，你就畀佢踩，合唔合理吖？」他又斥責城巴回應「涼薄」，指：「係咪真係無違反指引就係無問題？公道自在人心！」並指城巴及政府都要為此事負責，查明及交代真相，還死者、傷者及家屬公道。
周續指：「睇新聞報道後覺得好愕然，好震驚，唔明點解政府同運輸署會容許巴士公司咁樣編更，試問一個人連續喺路面揸住咁大部車十四個鐘，就算中間有休息時間，休息係咪足夠呢？（車長）做足十四個鐘，咁即係得番十個鐘休息，可以做到啲咩？呢十個鐘仲要搭車、食飯，返到屋企仲有自己嘢做，可以休息得幾耐？」
冀政府檢討現行制度
周又指：「唔係話死者已矣就算！」希望政府能檢討現行的制度，改善不足之處，切勿一成不變，要避免再有同類事件再發生。