探射燈：學生貪新鮮 節日假期高危

透氧差 易甩色 隨時發炎

「係格仔舖買到嘅隱形眼鏡有啲質量係太差，主要係透氧度低或隱形眼鏡甩色，戴到發炎。」註冊視光師湛致歡指，坊間廉價隱形眼鏡質素成疑，在缺乏監管的情況下，最大受害者是年輕人，「學生覺得平平哋玩吓就會買，有啲個案係隻隱形眼鏡裂咗，佢哋都仲繼續戴，特別係暑假、萬聖節後呢啲情況最多。」

一六年，本港一名初中女生佩戴隱形眼鏡已兩年，因右眼泛紅、輕微不適約兩周，檢查後發現角膜神經線嚴重紅腫，證實是棘變形蟲角膜炎，與隱形眼鏡處理不潔有關。多年前在新西蘭亦有一名廿四歲青年，因連續三天佩戴有色隱形眼鏡，懷疑其中一隻眼睛被細菌感染，角膜更被侵蝕至穿洞，終致永久失明。