政情：今日你上鏡：離開熱廚房 蘇錦樑賺到桶魚

離開咗熱廚房嘅商務及經濟發展局前局長蘇錦樑（Greg），繼續喺加拿大逍遙遊，不時將啲相上載到Facebook分享添，近日就有網友留言話阿Greg賺咗比佢嘅第一桶金仲多。唔通阿Greg「再就業」，佢過咗「冷河」嘞咩？確實係第一桶……但唔係金，而係魚啫！阿Greg話有日下晝碰吓運氣喺碼頭垂釣，發現有魚群游過，於是佢即刻嗌埋外父出嚟，兩人合力喺一小時內釣咗過百條鯖魚，賺咗佢哋嘅第一桶魚。