政情：陳沛然做議員 當返大學一樣

聯署開記招 變「興趣小組」

Pierre喺網誌上以大學生活嚟形容立法會工作。出任議員除咗要到立法會「上堂」外，Pierre又喺網誌話，立法會亦有好多「課外活動」，例如足球隊、探訪壁屋懲教所、視察三跑道系統項目填海工程同港珠澳大橋等。至於「遊學團」就有議員外訪以色列，以及早前嘅考察東江水。佢更將議員嘅聯署行動、召開記者會等比喻成「興趣小組」添！

如果要問Pierre最喜歡嘅「課外活動」係乜嘢？相信必定係足球嘞，事關佢都係「波牛」。