政情：利敏貞「升呢」做商經局常秘

以口才了得為人熟悉

利敏貞最為人熟悉嘅係擔任通訊事務總監期間，喺處理電視牌照一事，口才了得，佢亦曾經擔任勞工及福利局副秘書長（福利）及電訊管理局總監。隨住現任商經局常秘何淑兒即將退休，利敏貞將接任常秘一職，至於通訊事務總監嘅職位，自本月十五日起，將由運輸及房屋局副秘書長（房屋）/房屋署副署長（策略）王天予出任。

政府同時宣布，懲教署副署長林國良將會喺本月二十一日出任懲教署署長，接替即將展開退休前休假嘅邱子昭。