政情：公民講場：羅冠聰大嘥鬼分開補選燒公帑

繼佔中發起人戴耀廷後，DQ四人組之一嘅香港眾志羅冠聰尋日又用修補撕裂做藉口向政府開價，話今次四個議席出缺同較早前青年新政游蕙禎及梁頌恆嘅議席空缺，應該分兩次補選，但咁做隨時要多付一億四千萬元。話時話，若果唔係佢喺宣誓玩到過晒火，自己玩死自己變咗「羅已完」，政府又使乜再搞補選，依家仲話要分兩次補選，再花一大筆公帑等於又係要市民幫佢哋埋單，簡直就係大嘥鬼。