政情：菁英體育奪佳績 諗住開埋龍舟隊

該會轄下嘅體育研究會主席潘偉業日前聯同執委會主席莊家彬，一齊設宴慰勞體育研究會嘅一班成員，答謝佢哋今年參加各個比賽取得佳績，事關佢哋今年參加咗嘅體育比賽，其中有一個足球比賽攞咗個分組冠軍，另一個羽毛球比賽更加攞到冠軍。

將同港超聯合作搞訓練班

眼見成績唔錯，佢哋計劃喺未來一年開番隊龍舟隊，邀請埋菁英會以外嘅青年人一齊參加，之後亦會同港超聯嘅足球隊合作，為青年人籌組足球訓練班。

講開又講，其實潘偉業都好鍾意做運動，仲係對足球情有獨鍾添！至於莊家彬平時都有搵開教練健身，但佢話近排就比較忙，唔係太多時間做運動嘞！