政情：今日你上鏡：關景鴻兩女唔做移民搞醫療

我哋尋日見到做咗多年移民顧問生意嘅關景鴻，原來佢除咗老本行之外，最近仲開始投資其他業務，做埋醫療診斷中心，仲搵埋兩個女Jackie同Yvonne一齊幫手添！關景鴻話現時人口老化，公立醫院排期時間又好長，故同醫生朋友投資開診所，專驗認知障礙同埋以「正電子掃描」檢驗癌症等。佢話兩個女雖然喺外國讀完書返港幫佢手，但投資移民生意相對複雜沉悶，驗身中心呢啲比較容易年輕人入手喎。