政情：陳松青升呢做署長因為黃偉綸帶挈？

點解咁諗？事關政府上周四宣布嘅高層官員人事調動，現任地政總署署長甯漢豪將喺七一起升職接任發展局常任秘書長（規劃及地政），而黃偉綸則脫離公務員隊伍，出任下屆政府發展局局長一職；呢次陳松青升任地政總署署長，令三人嘅晉升階梯連成一線，喺新一屆政府繼續拍住上。

陳松青曾任食物及衞生局副秘書長（衞生）、防止及處理潛在利益衝突獨立檢討委員會秘書等職位，並喺一二年九月起出任發展局副秘書長（規劃及地政）至今。

梁松泰都升任郵政署長

政府同時宣布，慶典統籌辦公室主任梁松泰將喺七月十日起升任郵政署長。梁松泰曾任政制及內地事務局副秘書長、項目策劃辦公室主任等職位，並喺今年一月起出任慶典統籌辦公室主任至今。