有超齡囡囡為圓選美心願，放棄過百萬年薪參選，最後獲得面試機會。為咗選美去到咁盡，點解唔考慮做裸模呢？冇年齡限制，更毋須美貌與智慧兼備，仲可以放眼國際，話唔定一脫成名添！
奪得選美冠軍有乜着數？首先可以贏得后冠及權杖，但之後權杖要交還畀主辦單位，留畀下屆使用。而據主辦單位嘅官方網站表示，過去兩屆后冠價值428萬港元，好似好巴閉？但事實上買層樓都係掹掹緊咋！咁點解仲要選？因為係上位捷徑囉！但如果想出位，姊妹們不妨考慮做裸模，一來吸引全球目光，而且每一脫都有現金收入，總好過去選乜選物最後落選，名利雙失係咪先？
呢方面27歲嘅Bretona就醒目得多，咪睇阿妹年紀有番咁上下，以為佢無人吼先晒波，查實阿妹係玩夠歎夠無事好做先落場露兩手，又所以，即使今日乜都冇，甚至「負皮」如潮，對Bretona嚟講都係一笑置之，佢只希望喺有限嘅人生當中，試多啲刺激玩意，無謂將來後悔咁話！好多人以為Bretona係富二代玩任性，咁你就錯喇！據當事人話佢普通過普通，得一對有等於無嘅B奶，大學修讀視覺藝術，過去多年冇一份工做超過一年，最鍾意係食瞓玩，最叻係偷懶，但Bretona唔覺得羞恥，反而覺得自己比任何人都過得開心精明喎！
有謂人到無求品自高，Bretona嘅品格高低冇人知，但阿妹嘅高尚品味就喺寫真充分展現晒出嚟，話晒全裸演出都兩三年經驗，Bretona嘅寫真粗略統計都有60輯，兼且遍布歐美，呢個數目比起一線裸模仲要多，無他嘅，正如Bretona所講剝衫非為名利，加上都叫讀過吓藝術，難怪演出無後顧之憂，特別有美感啦！
早前Bretona表示下年會投放更多時間喺法國發展，皆因佢欣賞當地嘅寫真文化，可以輕輕鬆鬆毋須跟潮流走，甚至推出黑白寫真都冇人會投訴咁話。講到尾，其實咪又係想偷懶囉，假如Bretona想喺業界闖出名堂，一定要搏盡，但佢呢個年紀都仲是是但但，仲未清楚自己想要乜嘅，睇怕冇人踢佢走，都好難留得耐喇。
簡介：Bretona嘅寫真勁多，要上網慢慢搵費時失事，不如去呢個網站一炮過睇晒，雖然未必全高清，但夠快夠新，唔好錯過喇！
網址：https://www.thenude.eu/Bretona_30278.htm#Bio
出生日期：1990年2月3日
三圍：34B-24-34
身高：180cm
撰文：祖