政情：學生寸楊岳橋缺席撥款表決

楊直言感到難堪

楊岳橋直言感到難堪及唔好意思，所以會提醒自己不再缺席。佢又話，議員受大眾監督，而且相關資料係公開嘅，冇得逃避，仲話議員若想喺議會立足，就需要為個人行為負責任咁話。

雖然楊岳橋遇到咁尷尬嘅情況，不過，屬建制派嘅鍾國斌竟為楊岳橋幫口，解釋話立法會開會時間長，而且難以預料幾時會表決，加上議員亦需要落區工作，所以冇可能要求議員安坐議事廳中等投票喎。