香港回歸中國就快二十年，反對派透過反中亂港嘅爛果報大唱反調，老嫩漢奸齊齊廢噏甚麼「仍信民主回歸」、「支持自決」。最好笑係小學雞議員羅冠聰話新一代不再對中共疑中留情，「唔再係血濃於水，唔再係一種回歸祖國懷抱概念」。阿哥，家陣成十萬元月薪喺議會學嘢仲一味用口亂放屁，仇中變成不隨意肌，根本冇意識分清真假善惡，老朽真係不再對佢疑中留情，如此廢柴議員，劣幣驅逐良幣，香港議會點會有文化有進步啊！立法會變垃圾會，豈是無因？
而民主黨立法會議員黃碧雲亦仇中上腦，在議會大放厥詞，提出削減慶祝回歸的活動開支，因為「我哋依家好似做喪事、白事咁，你叫我大事慶祝，我哋慶祝唔出，因為民主好似已經死咗咁滯。」將香港回歸慶典形容係「喪事」，確實係混帳兼混吉！有議員直斥黃的言論無恥，質疑佢屋企若有喪事，係咪又要當喜事辦？反對派嗜痂成癖，喜喪不分，病入膏肓至此，正一救番都嘥醫藥費。
本來提出削減慶祝回歸的活動開支冇問題，應使則使，之不過黃碧雲把慶回歸說成是「喪事」，那就不可饒恕！你想做美國人或英國人甚至非洲人，有人阻止你咩？事實係有你呢啲亂噏廿四嘅議員，香港明天只會添煩添亂。把慶回歸視作辦喪事，公然侮辱一國，理應滾出一國下的香港！
香港成為殖民地，是因為晚清腐敗無能，帝國主義伺機侵略中國，簽下許多喪權辱國的不平等條約，回歸不僅是慶祝香港回歸祖國懷抱，更重要的是象徵擺脫過去屈辱的歷史。今日之中國和平崛起，最近的「一帶一路」論壇成為世界焦點，歷史上的萬邦來朝，漢唐盛世，相信也給比下去。中國已非晚清時期砧板上的一塊肥肉任人宰割，香港回歸二十周年，好應該慶祝吓！喪事則讓反對派自己辦，反正他們最愛撒溪錢！