網絡勒索軟件「WannaCry」肆虐，創新及科技局局長楊偉雄尋日朝早出嚟話政府冇中招，但佢竟然指事件「不是電腦保安的問題，而是電腦罪案的問題」。吓！唔係電腦保安問題？搞到局方新聞組急急向傳媒澄清，跟住仲喺新聞稿補鑊，喺「不是」中間特登加多個字變成「不（單）是」，講清楚唔單止係電腦保安問題咁話。楊偉雄搶住認叻，竟然咁都講錯，甩晒轆喇！
