政情：觀塘海濱踩車 何啟明畀人鬧

觀塘海濱長廊雖已啟用七年，但仍未有單車設備畀市民使用，啟明上周專登踩單車落海濱長廊視察，點知一入到去就畀保安姐姐鬧番出嚟，搞到去做訪問都要推住部單車呀！佢之後解釋，話長廊其實有最少四個入口，得一個入口有告示話畀人聽唔准踩單車，就算有人踩咗入去都唔出奇。

轟遲未落實單車徑計劃

雖然政府有計劃用單車徑貫通海濱長廊，但就成日耍來耍去都唔肯落實。啟明就話其實區議會一早就傾好晒有關議題，加上有好多街坊想由觀塘、油塘一帶踏單車去觀塘工業區返工，希望局方快快手手優化當區嘅單車設施，提早落實單車徑計劃喎。