政情：峯鴿向張建宗投訴AO狗仔隊
近年立法會拉布成風，政府出動由AO（政務官）組成的狗仔隊駐守立法會箍票，亦已成慣常做法。不過，白鴿黨議員許智峯（峯鴿）就忽然覺得狗仔隊記錄議員出入情況，感到不被尊重，又不知道所收集的資料會如何處理。峯鴿透露，經黨團會議後，黨內七名議員將去信要求政務司司長張建宗解釋有關議員私隱嘅處理手法、所涉及嘅人手同公帑數字等，如果當局未能解釋，該黨打算向私隱專員公署投訴。
覺得侵犯到議員私隱
對於近年政府狗仔隊嘅做法，峯鴿批評比過去更明目張膽，因現時狗仔隊除駐守電梯出入口，連通往中信大廈嘅天橋都唔放過，啲狗仔「好似CID咁」，行為影響投票結果。佢話，政府收集嘅資料，如議員出入情況，均涉及議員私隱，係受私隱條例監管，認為政府有責任解釋清楚，啲資料會如何處理和使用。其實狗仔隊問題以前都有泛民議員關注過，但狗仔隊嘅作用就係要箍票影響投票結果，或者諗吓建制派一盤散沙先要箍票，咁可能會覺得舒服啲。
