政情：蔣麗芸話世界變 「Ann Ann制」請客
日前發生一宗因AA制付款引起嘅衝突，即時惹起社會廣泛討論。立法會議員蔣麗芸（Ann）就認為採取邊種畀錢方式都冇所謂，搞到路過嘅議員就趁機叫佢請飯，仲笑稱AA制應改為「Ann Ann制」喎。
阿Ann非常清楚今次事件，笑稱一講起AA制就會大打出手喎。不過，佢就話因付款問題而郁手郁腳好核突，認為即使唔想AA制都毋須出手咁話。佢更直指世界已經唔同咗，依家食飯唔一定要由男方請客，可以男一餐、女一餐，真係一人一餐夠公平喇！至於佢自己都樂意由人哋請食飯，而當佢作東時，人哋都會欣然接受。
行經隔籬嘅議員陳振英聽見就話，等阿Ann請食飯嘅人排住隊等緊，笑稱因為有「Ann Ann制」。佢咁大賣口乖，成功氹到阿Ann笑晒口，唔知阿Ann會唔會考慮請佢食飯呢？