政情：八網難逃：葉傲冬暗示黨內初選「被擊沉」？

聲言要減磅嘅油尖旺區議會主席葉傲冬，尋日就喺社交網站上載照片分享操練成果（圖），望落果然弗咗唔少，有人仲留言叫佢參選香港先生添！不過，葉傲冬發貼時留言，話「人生最奇妙又最矛盾的地方，在於以為自己一切在掌握之中時，意外卻狠狠的把自己徹底擊潰」，又話「但願此刻的我嘗過被擊沉後，還有毅力堅持下去！」似乎意有所指。唔知葉傲冬畀乜嘢擊潰呢？咁啱民建聯早前就立法會九龍西補選進行黨內初選，但初選結果神神秘秘未有向外公布，莫非參與初選嘅葉傲冬暗示自己輸咗畀黨友深水埗區議員鄭泳舜？