周庭黎汶洛冇連任
香港眾志尋日公布新一屆常委會名單，主席羅冠聰同秘書長黃之鋒成功連任，而原副主席黎汶洛退居幕後，副主席出缺，至於副秘書長就由周庭換為郭熙堯。消息指，副主席一職其實由林朗然出選，但因支持不足而最終出缺；而周庭其實都有競逐連任副秘書長一職，不過敗於郭熙堯手上。至於黎汶洛亦都因為被邊緣化而無參與今次選舉。
對於被指選舉唔透明，羅冠聰稱今次係內部成員按黨章進行改選，對於上述選舉細節，佢就唔肯透露。仲話眾志現時有二十幾個黨員，若果可以完成公司註冊就會開放黨籍，或者下次選舉可以有更多人參與。至於黎汶洛就解釋，唔競逐黨內管理層職務係想留多啲時間讀書同埋處理九龍東地區事務，重申佢仍係黨員。