中環出更：陳淑莊吳永嘉細說大學唱K舊事

立法會六十幾個議員來自五湖四海，大家出身背景都唔一樣，但原來陳淑莊（Tanya）同吳永嘉（Jimmy）係港大法律系嘅舊同學，Jimmy比Tanya大兩屆，當年佢哋仲不時同一班同學落銅鑼灣唱卡拉OK添！不過依家佢哋一個係泛民，一個係建制派，唱嘅歌仔好唔一樣，唔知仲有冇咁好傾呢？

Jimmy話，讀書時代大家都冇乜政治觀念，所以都唔會點講政治，雖然依家兩人政見唔同，但佢哋見面都冇乜講政治，多數講吓吃喝玩樂啫！Jimmy仲爆料話Tanya當年好鍾意唱歌，性格率直。Tanya就大讚當年嘅Jimmy成個王子咁，至於佢自己就好肥，大約有成一百三十磅，自嘲似「蜜瓜」添！

除咗Tanya之外，Jimmy仲話曾經參選過立法會體文界嘅音樂人周博賢係佢同班同學添，不過畢業之後大家職業唔同，各有各忙，所以都少咗聯絡喇！

卓妮