政情：馬逢國問中港矛盾 政制局遊花園

馬逢國問及近年中港矛盾事件時有發生，近年亦有針對旅客事件，當局有否委託學術機構研究，以長期評估內地市民對香港嘅印象。佢又追問當局喺本年度有何計劃及預算開支跟進，以減少香港與內地嘅誤解及矛盾。

政制及內地事務局嘅回覆完全冇答有冇做研究同埋有乜嘢計劃及開支，淨係話致力透過公眾教育，宣揚不論背景都應互相尊重，人人平等嘅核心價值，又話港府透過政府新聞處，並喺內地辦事處嘅協助下，一直喺內地宣傳香港，加深內地人士對香港嘅了解。

講咗一大輪，都係完全睇唔到有啲乜嘢具體工作，睇嚟大家都應該明白，內地同香港之間嘅矛盾咁耐都解決唔到，其中一個原因係乜嘢啦！