對於港區政協委員入校園開展國情教育活動，社會上都有唔同意見，但教育局前局長孫明揚（孫公）尋日一方面話唔使咁驚，但另一方面就強調學校唔能夠只接受某一方面的政治光譜人士到校演講。孫公嘅講法似乎有啲奇怪，亦好矛盾，事關政協本身就係傳統愛國陣營嘅人士，佢哋同聲同氣，當然係同一政治光譜嘅人喇，唔通畀港獨人士入去咩，到時就變咗校園播獨喇！孫公係咪應該講得清楚啲呢？
