姜河斌清秀女神

女士們總以為男人睇女人,第一時間係留意個樣,其實好多時係睇實心口至真,原因固然係每個人都唔同,但係鍾意睇驕人上圍嘅心態都係一樣,難怪南韓巨乳模特兒姜河斌,一出道就成為大家嘅焦點。

亮麗登場

能夠稱得上係男人心目中嘅女神,唔單止需要有令人着迷嘅俏麗樣貌,玲瓏浮凸嘅身材更係不可缺少,若然好似姜河斌咁,擁有魔鬼級嘅火辣身材,試問又點可能唔叫佢一聲女神呢?事實上,呢位出生於南韓首爾嘅迷人索女,唔單止外形令男士神魂顛倒,畢業於京畿道嘉泉大學嘅佢,更係一位具有內涵嘅女生。早喺2011年佢以車模身份,喺首爾國際車展嘅汽車品牌展台上處女登場,當時青澀嘅佢,憑住青春可愛嘅氣質而被大眾留意,迷人嘅身體曲線更成為焦點。自從呢次驚艷演出之後,佢就同汽車扯上關係,事關佢除咗以賽車女郎身份喺電單車比賽中登場,其後又喺多個賽車比賽上現身,與此同時,佢又化身模特兒喺汽車雜誌上出現,呢次佢更盡情展現火辣身材,讓大家細心欣賞佢嘅誘人胴體。及後佢嘅車模事業發展順利,成為車隊嘅專屬賽車女郎,每次出現都例必成為鏡頭爭拍嘅對象,人氣高企,喺去年嘅賽車女郎大賽更奪得冠軍,絕對係實至名歸。

美妝達人

有人認為姜河斌就算冇攞獎,亦已經躋身明星級模特兒之列,不過佢冇諗住向演藝界發展,反而朝住化妝界努力。事實上,佢經常喺網上同大家分享化妝及美容心得,同時又積極推介各種化妝產品,佢話自己累積咗多年嘅化妝經驗,好想同大家分享一下,而多年嘅經驗話畀佢知,單靠化妝其實並唔夠,最重要係從美容着手,只要有足夠嘅睡眠,加上良好嘅飲食同運動習慣,就可以打好根基,再配合適當嘅化妝,就能夠展現出最靚一面。雖然佢分享嘅扮靚心得,深受網民歡迎,不過佢坦言有樣嘢唔係咁擅長,就係配搭最適合自己嘅髮型,一直留長髮嘅佢,曾經嘗試變換唔同髮型,希望畀到大家新鮮感,不過剪過短髮之後,反而覺得長髮最適合,所以之後就冇改變過髮型。佢又話,如果有時間,打算修讀髮型課程,希望將來以全新形象同大家見面。

精彩推介

簡介:每當大家見到姜河斌時,焦點總會落喺胸部,但係平日佢甚少以性感打扮示人,反而鍾情舒服又優閒嘅衣着。另外,佢除咗鍾意研究化妝之外,亦喜歡去旅遊,每次都會將靚人靚景放上IG同大家分享。

網址:https://www.instagram.com/kang_habin/

姜河斌Profile

出生地:首爾

身高:168cm

三圍:34、23、33

撰文:魂